کک کے بعد ایک اور فلم میں جیکولین سلمان خان کے ساتھ ہیروئن کے طور پر کام کریںگی

ممبئی:فلم کک کے بعدجیکولین فرنانڈیز آئندہ فلم میں بھی سلمان خان کی ہیروئن بننے والی ہیں۔بہت دنوں سے یہ بات زیر بحث تھی کہ سلمان کی آنے والی فلم میں ان سے رومانس کون کرنے والا ہے۔ جیکولین کے مداحوں کی قیاس آرائیاں ا سوقت ختم ہوگئیں جب مختلف ذرائع نے اس بات کی تصدیق کر دی کہ جیکولین فرنانڈز ریمو ڈیسوزا کی اگلی فلم میں ساتھ ساتھ نظر آئینگے۔
اس کے قبل جیکولین اور سلمان ساجد نڈیاڈ والا کی سپر ہٹ فلم”کک “میں رومانس کرتے ہوئے نظر آئے تھے. 2014 میںآنے والی اس فلم میں شائقین نے دونوں کی رومانی جوڑی کو خوب پسند کیا تھا۔ جیکولین اور سلمان بالی وڈ کی ایک پرومسنگ جوڑی کی شکل میں دیکھے گئے۔ناظرین کو اس بات کا پورا یقین ہے کہ سلمان۔ جیکولین کی پچھلی فلم کی ہی طرح یہ فلم بھی کمال دکھائیگی اور خوب کامیاب ہوگی۔

Title: jacqueline to act with salman khan ain another film | In Category: انٹرٹینمنٹ  ( entertainment )